好多黃屍被嘲笑完睇燒山細良細七沈旭暉嘅垃圾分析係弱智之後，通常個反應都係老羞成怒咁講：「唔睇佢地咁可以睇邊個？唔通睇你牙？」，咁其實要睇好嘢唔一定要睇我，呢個網絡大把好文俯拾皆是，問題只在於你識唔識分。
例如呢篇《中國的疫苗與軍武》就寫得非常之好。對於中國嘅科技／軍事發展，小粉黃（諸如老燒之流）通常都會有先入為主嘅輕視偏見；至於小粉紅則例牌過度高估自己祖國武器嘅威力。
呢篇文章我覺得做咗一個非常好嘅對比：就係解放軍武器同中國疫苗一樣，由於都係要響短時間內催谷出黎，所以難免都係建基於抄襲英美俄等傳統強國舊有技術之下，再靠自己加添若干創新──所以無論疫苗定係軍武都係介乎Work與唔Work之間。
好似國藥同科興咁，你話佢唔Work，又唔係bor，的確係起倒某種疫苗效果，但你話Work咩，產生抗體卻又遠遠落後於歐美疫苗。而呢種Work與唔Work嘅灰色地帶，就倒好大空間中共嘅戰狼外交官同小粉紅誇大優點／掩飾弱點；相反深黃傻粉誓要將中共所有出品貶抑到一文不值，唔單止反映佢地嘅無知，同時亦提供中共反擊嘅彈藥，聲稱所有反中人士都係非理性兼唔敢正視中國擁有一定科技發展能力嘅現實。
不過對於軍備，呢種「揠苗助長」嘅方法又有多一層含義：因為武器只要唔打仗，就永遠唔知道佢真正戰力係點；美軍一直無同解放軍公開衝突，部份原因亦因為唔知究竟中共軍備有幾多係真材實料、有幾多只係尻吹出黎，只有習總自己先知。而如果中美一直唔開戰，敗燈不停削減美軍軍力嘅國防路線，就比倒時間解放軍從後趕上。
而呢個亦係我堅信台灣唔會響中短期內開戰嘅原因。因為只要敗燈在位，時間就係企響解放軍一邊。
Search